«Մոսկվան պատրաստ է միջնորդ լինել ԱՄՆ-ի և ԿԺԴՀ-ի միջև». Պեսկով
Մոսկվան պատրաստ է որպես միջնորդ հանդես գալ ԱՄՆ-ի եւ ԿԺԴՀ-ի միջեւ, բայց դրա համար հարկավոր է հակամարտող կողմերի համաձայնությունը: Այդ մասին լրագրողներին հայտնել էՌԴ նախագահի մամուլի քարտուղար Դմիտրի Պեսկովը, տեղեկացնում է ՏԱՍՍ-ը:
«Խոսքը Ռուսաստանի պատրաստակամության մասին է անհրաժեշտության դեպքում եւ երկու կողմերի ցանկության դեպքում,-ասել է նա:- Միայն սեփական ցանկությամբ երկու կողմերի միջեւ միջնորդ դառնալ հնարավոր չէ, դրա համար պահանջվում է երկու կողմերի կամքը: Քանի որ առճակատման հռետորաբանության փոխանակումը տեղի է ունենում հենց Փենյանի եւ Վաշինգտոնի միջեւ, ապա, համապատասխանաբար, Ռուսաստանի այդ պատրաստակամությունը միանգամայն ակներեւ է, որպեսզի ճանապարհ բացվի լարվածության թուլացման համար»:
