Ֆիլիպիններում 250 մարդու փոխադրող նավ է խորտակվել
Ֆիլիպինների արեւելյան մասի Կեսոնի նահանգի ափերի մոտ շրջվել եւ խորտակվել է նավ, որի վրա գտնվում էր 251 մարդ: Այդ մասին հայտնել է The Independent բրիտանական թերթը:
«Մենք լսել ենք տուժածների մասին, բայց դեռ ստուգում ենք այդ տեղեկատվությունը»,- ասել է Ֆիլիպինների առափնյա պահպանության ներկայացուցիչ Արմանդ Բալիլոն:
Նա նշել է, որ նավը շրջվել ու խորտակվել է, երբ անբարենպաստ եղանակային պայմաններում ուղեւորվում էր ֆիլիպինյան Պոլիլիո կղզի:
The Independent-ը հայտնել է, որ սաստիկ քամին եւ ալեկոծությունը դժվարացնում են պատահարի վայր ժամանած փրկարարների աշխատանքը, հաղորդել է «Ինտերֆաքս»-ը:
