Բացահայտվել է սոցցանցերի երջանիկ օգտագործման գաղտնիքը
Ֆեյսբուքի հետազոտողներ Դեվիդ Գինզբերգը և Մոյրա Բուրկեն ընդունել են, որ սոցիալական ցանցում լրահոսին անընդհատ հետևելը բացասաբար է անդրադառնում օգտատերերի հոգեկան առողջության վրա:
Ինչպես հայտնում է lenta.ru-ն, վերլուծության արդյունքները հրապարակված են «Դժվար հարց. կարո՞ղ է արդյոք ժամանակը, որն անցկացվել է սոցցանցում, մեզ վնաս պատճառել» աշխատությունում:
Միչիգանի համալսարանի ուսանողների շրջանում հատուկ փորձարկում է իրականացվել: Մի մասին խնդրել են 10 րոպեի ընթացքում կարդալ լրահոսը, իսկ մյուսներին նոր գրառումներ անել և ընկերների հետ զրուցել: Առաջին խմբի ուսանողների տրամադրությունն օրվա վերջում արդեն ավելի վատ էր, քան երկրորդ խմբի մասնակիցների մոտ:
Ֆեյսբուքի հետազոտողները եզրահանգում են առաջ քաշել, որ այլ մարդկանց մասին կարդալը կարող է բացասական սոցիալական համեմատությունների հանգեցնել:
Միևնույն ժամանակ Ֆեյսբուքը կոչ է անում ավելի շատ ժամանակ անցկացնել սոցցանցում: Կայքում հաճելի ժամանակ անցկացնելու համար, խորհուրդ է տրվում ավելի շատ շփվել ընկերների հետ և որոշ խմբերում հաղորդագրություններով փոխանակվել:
