Խորագիր:

Թուրքական հոսք գազատարը Հունաստանի փոխարեն կանցնի Բուլղարիայով

Թուրքական հոսք գազատարը Հունաստանի փոխարեն կանցնի Բուլղարիայով

Ռուսաստանի նախագահ Վլադիմիր Պուտինի նախաձեռնությամբ սկսված «Թուրքական հոսք» անվանումով գազատարի ուղեգծի մեջ փոփոխություն է տեղի ունեցել: Ըստ թուրքական «Haberturk» թերթի՝ գազատարը Թուրքիայից դեպի Եվրոպա կանցնի ոչ թե Հունաստանի, այլ Բուլղարիայի տարածքով:

Նշվում է, որ գազատարը, որով նախատեսվում է ռուսական գազը հասցնել Եվրոպա, Բուլղարիայից հետո կանցնի Ռումինիայով, ապա Հունգարիայով՝ հասնելով մինչև Ավստրիա:

Ըստ աղբյուրի՝ Թուրքիան արդեն ամենաբարձր մակարդակով բանակցություններ է վարում Բուլղարիայի հետ, և Բուլղարիայում արդեն սկսվել են գազատարի կառուցման նախապատրաստական աշխատանքներ:

Հիշեցնենք, որ «Թուրքական հոսք» գազատարի կառուցման վերաբերյալ Ռուսաստանն ու Հունաստանը պայմանավորվածություն էին ձեռք բերել դռևս 2015 թվականին՝ ստորագրելով համապատասխան միջպետական համաձայնագիր: Սակայն, հակառակ դրան, Թուրքիան ու Հունաստանը չէին կարողացել վերջնական համաձայնության գալ նույն նախագծի վերաբերյալ:

«Թուրքական հոսք» նախագծի շնորհիվ ռուսական գազը Սև ծովի միջոցով կարտահանվի Եվրոպա: Գազատարը պետք է հասցվեր մինչև թուրք-հունական սահմանը, իսկ այդտեղից արդեն դեպի Եվրոպա գազատարի շարունակության կառուցման համար Ռուսաստանը պետք է նոր պայմանավորվածություններ ձեռք բերեր եվրոպական երկրների հետ:

Բաժնի նյութերի ընտրանի

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-11-28
Ի՞նչ կտա Հայաստանի սովորական քաղաքացիներին ՀՀ-ԵՄ համաձայնագիրը
Հայաստանում Եվրոպական միության պատվիրակության ղեկավար, Արտակարգ և լիազոր դեսպան Պյոտր Սվիտալսկին երեկ լրագրողների հետ հանդիպման ընթացքում խոսեց Հայաստան-Եվրոպական միություն նոր համաձայնագրի մասին։