Նեյմարը վերադարձել է Բրազիլիա և չի մասնակցի թիմի հերթական խաղին
Ֆրանսիական ՊՍԺ-ի հարձակվող Նեյմարը մեկնել է Բրազիլիա և բաց կթողնի Ֆրանսիայի գավաթի՝ «Ստրասբուրգի» հետ խաղը: ՊՍԺ-ի գլխավոր մարզիչ Ունայ Էմերին նշել է, որ Նեյմարը հայրենիք է վերադարձել ընտանեկան խնդիրների պատճառով:
«Շաբաթ առավոտյան նա ինձ ասաց, որ ընտանեկան հարցերի պատճառով պետք է մեկնի Բրազիլիա: Նա ասաց, որ դա շատ կարևոր է իր համար»,- նշել է Էմերին:
Հիշեցնենք, որ խաղը բաց կթողնեն նաև Տիագո Սիլվան, Կուրժավան, Տիագո Մոտան և Ադրեն Ռաբիոն: Այս բոլոր ֆուտբոլիստներն ունեն վնասվածքներ: «Ստրասբուրգ» -ՊՍԺ հանդիպումը տեղի կունենա այսօր կեսգիշերին:
Սիրարփի Աղաբաբյան
