Սահակաշվիլին Ուկրաինայի վարչապետ դառնալու պատրաստակամություն է հայտնել
Վրաստանի նախկին նախագահ, Օդեսայի մարզի նախկին նահանգապետ Միխեիլ Սահակաշվիլին ZIK ուկրաինական հեռուստաալիքի եթերում հայտարարել է, որ նախագահական հավակնություններ չունի, բայց պատրաստ է դառնալ Ուկրաինայի վարչապետ։
Քաղաքական գործչի խոսքով՝ ինքը «պատրաստ է ստանձնել Ուկրաինայի նորմալ կառավարության պատասխանատվությունը»: Միեւնույն ժամանակ նա նշել է, որ ոչ մի դեպքում իր թեկնածությունը չի առաջադրի նախագահի պաշտոնի համար: Նրա համոզմամբ՝ երկիրը պետք է կառավարեն «ուկրաինացիները, որոնք ծնվել ու մեծացել են այստեղ», հաղորդել է ՌԻԱ Նովոստին:
