Փորձագետներն անհանգստացած են Պենտագոնի գենետիկական մշակումներից
Ամերիկացի զինվորականները հարյուր միլիոն դոլար են ներդրել գենետիկական տեխնոլոգիայի բնագավառում, որը թույլ կտա ոչնչացնել մալարիա տարածող մոծակներին: Միավորված ազգերի կազմակերպության փորձագետները զգուշանում են, որ այս տեխնոլոգիան որպես զենք կկիրառվի, հաղորդում է The Guardian-ը:
Նոր տեխնոլոգիան, ինչպես սպասվում է, կկարողանա ոչնչացնել ոչ միայն միջատներին, այլեւ կաթնասուններին, մասնավորապես, կրծողներին: Ծրագրի ֆինանսավորումն իրականացնում է ԱՄՆ-ի պաշտպանության նախարարության Հեռանկարային հետազոտական ծրագրերի գործակալությունը: Հրատարակության հարցմանը մասնակցած փորձագետները, ներառյալ ՄԱԿ-ի ներկայացուցիչները, երկյուղում են, որ քաղաքացիական հետազոտողները, որոնք կախված են զինվորականներից, կարող են իրենց ծրագրերը վերակողմնորոշել դրամաշնորհատուների նեղ նպատակներին համապատասխան:
