Բենիտեսը ցանկանում է «Նյուքասլում» տեսնել Կասիլյասին
Ինչպես հաղորդում է AS-ը, «Նյուքասլ Յունայթեդի» գլխավոր մարզիչ Ռաֆայել Բենիտեսը ցանկանում է, որպեսզի ձմեռային տրանսֆերային պատուհանի ժամանակ ակումբը փորձի «Պորտուից» գնել դարպասապահ Իկեր Կասիլյասին:
36-ամյա դարպասապահն այս մրցաշրջանում կորցրել է տեղը «Պորտուի» մեկնարկային կազմում և մտադիր է հունվարին փոխել ակումբը: Հոկտեմբերի սկզբին Պորտուգալիայի առաջնության «Սպորտինգի» հետ խաղից հետո (0:0) Կասիլյասը մասնակցել է ընդամենը մեկ պաշտոնական հանդիպման:
Իսպանիայի հավաքականի նախկին դարպասապահը «Պորտուի» կազմում հանդես է գալիս 2015 թվականից, ուր տեղափոխվել է «Ռեալից»: Կասիլյասը մադրիդյան ակումբից հեռացել է Բենիտեսի՝ թիմը գլխավորելուց մոտավորապես մեկ ամիս անց:
Պատրաստեց Անի Գաբուզյանը
