Գերագույն դատարանը պաշտպանեց ԱՄՆ վեց երկրների քաղաքացիների մուտքի՝ Թրամփի արգելքը
ԱՄՆ-ի Գերագույն դատարանը որոշել է, որ առավելապես մուսուլմանական բնակչությամբ վեց երկրների քաղաքացիներին երկիր մուտք գործելու՝ նախագահ Դոնալդ Թրամփի արգելքը կարող է ուժի մեջ մտնել, տեղեկացնում է BBC-ին:
Դեկտեմբերի 4-ին Գերագույն դատարանի ինն անդամներից յոթը բեկանեցին նախագահի հրամանագրի վերաբերյալ ստորին ատյանների դատարանների վճիռները: Որոշումը վերաբերում է հրամանագրի երրորդ տարբերակին, որը Թրամփն ստորագրել է պաշտոնն ստանձնելու սկզբին:
Հրամանագիրն ԱՄՆ մուտքն 90 օրով դադարեցնում է Իրանի, Եմենի, Լիբիայի, Սիրիայի, Սոմալիի եւ Սուդանի քաղաքացիների համար, որոնք սերտ ընտանեկան կամ գործարար կապեր չունեն Միացյալ Նահանգների հետ: Նոր տարբերակում սահմանափակումներ են դրվել նաեւ Հյուսիսային Կորեայից ժամանողների, ինչպես նաեւ Վենեսուելայի կառավարության որոշ անդամների վրա:
