Բեթմենին նինձյա են դարձրել և ուղարկել ֆեոդալական Ճապոնիա
Ցանցում հայտնվել է Բեթմենի մասին ճապոնալեզու անիմե թրեյլերը: Հոլովակը դեկտեմբերի 1-ին հրապարակվել է YouTub տեսահոսթինգում։
Անիմացիոն ժապավենում Բեթմենը դառնում է նինձյա, իսկ որպես նրա գլխավոր անտագոնիստ է հանդես գալիս Ջոկերը: Լիամետրաժ կինոնկարի գործողությունը ծավալվում է ֆեոդալիզմի ժամանակների Ճապոնիայում: Հոլովակում նաեւ ծանոթ այլ հերոսներ են հայտնվում DC կոմիքսների տիեզերքից՝ Հառլի Քվինը, ծառայապետ Ալֆրեդը, Խենթ Գլխարկակարը եւ Երկերեսանին:
Անիմեի պրեմիերան, որն ստացել է «Բեթմենը՝ նինձյա» անվանումը, պլանավորված է 2018 թվականին: Որպես ռեժիսոր հանդես է եկել Ձյունպեյ Միձուսակին («Ջոջոյի անհավանական արկածները», «Կենդանաբանական այգի»):
