Իկարդին «Ռեալի» առաջնահերթ նպատակն է հունվարին
«Արքայական ակումբը» կփորձի ձեռք բերել «Ինտերի» հարձակվող Մաուրո Իկարդիին:
Մադրիդցիները մտադիր են չսպասել ամռանը և ամրացնել որոշ դիրքեր արդեն ձմեռային տրանսֆերային պատուհանի ժամանակ:
Ըստ Marca-ի տեղեկության՝ «Ռեալի» համար առաջնահերթ նպատակը հանդիսանում է «Ինտերի» հարձակվող Մաուրո Իկարդին: Արգենտինացին չի խաղում եվրագավաթներում և կարող է օգնել «սերուցքայիններին» Չեմպիոնների լիգայի փլեյ-օֆֆում, որը Մաուրոյի ռմբարկուական ցուցանիշների հետ միասին հանդիսանում է որոշիչ «Արքայական ակումբի» համար:
Իսպանական պարբերականը վստահեցնում է, որ Մադրիդն իր ամբողջ ուժերը կներդնի Իկարդիի գնման վրա և արդեն կապի է դուրս եկել ֆուտբոլիստի կնոջ և գործակալ Վանդա Նարայի հետ:
Հաղորդվում է, որ «Ինտերը» պատրաստ է վաճառել ֆուտբոլիստին 100 մլն եվրոյով:
Ընթացիկ մրցաշրջանում Իկարդին 14 խաղերում դարձել է 15 գոլի հեղինակ:
Պատրաստեց Անի Գաբուզյանը
