««Արմենալն» ավելացրել է իր արտահանումը ԵՄ երկրներ». Արմեն Աշոտյան
Այսօր ԱԺ-ում «Հայաստան-ԵՄ. համապարփակ և ընդլայնված գործընկերություն» թեմայով խորհրդարանական լսումների ժամանակ ԱԺ արտաքին հարցերի մշտական հանձնաժողովի նախագահ Արմեն Աշոտյանը ներկայացրեց մի օրինակ, որ Հայաստանը ոչ միայն հռետորաբանական կամուրջ է Եվրամիության ու Եվրասիական միությունների միջև, այլ իրապես բենեֆիտ բերող։
«Դա արդեն կա՝ Ռուսաստանում գործում է «Ռուսալ» գործարանը, որն ալյումին արտադրող հիմնական գործարաններից մեկն է աշխարհի մակարդակով, սակայն սանկցիաների տակ է շատ ուղղություննրով։ Հայաստանում գործում է դրա դուստր ձեռնարկությունը՝ «Արմենալը», և ավելացրել է իր արտահանումը ԵՄ երկրներ։
Այսինքն՝ Հայաստանի դերը որպես տնտեսական կապող օղակ, թեկուզ մեկ գերհսկա գործարանի պարագայում, ակնհայտ է»,- ասաց Ա.Աշոտյանը։
Նրա կարծիքով՝ բոլոր կողմերը պետք է վայր դնեն կոնֆրոնտացիոն հռետորաբանությունը և հոգեբանությունն ու աշխատեն այնպես, որ կարողանան գտնել ընդհանուր լեզու. «Լավ կլինի, որ այդ լեզուն լինի հայերեն։ Կարծում եմ՝ դա հնարավոր է»։
