Դամասկոսի պատվիրակությունը ժամանեց Ժնև՝ մասնակցելու բանակցություններին
Սիրիայի կառավարության պատվիրակությունը՝ ՄԱԿ-ին առընթեր ՍԱՀ-ի մշտական ներկայացուցիչ Բաշար Ջաֆարիի գլխավորությամբ, Ժնեւ է ժամանել միջսիրիական բանակցությունների երկրորդ օրը: Այդ մասին հայտնել է ՌԻԱ Նովոստիի թղթակիցը:
Հարցին, թե որքան երկար է նա պլանավորում մնալ Ժնեւում, եւ պատրաստ է նա արդյոք ընդդիմության հետ ուղղակի բանակցությունների, Ջաֆարին պատասխանել է՝ «Տեսնենք»: Ժնեւում միջսիրիական բանակցությունների ութերորդ փուլը մեկնարկել է նոյեմբերի 28-ին սիրիական միավորված ընդդիմության՝ Բանակցությունների սիրիական հանձնաժողովի հետ Սիրիայի խնդրով ՄԱԿ-ի հատուկ դեսպանորդ Ստաֆան դե Միստուրայի հանդիպմամբ: Ընդդիմության պատվիրակությունը գլխավորում է Նասեր Հարիրին:
