Իսպանիայում յոթ մարդ է տուժել ռելսերից գնացքի դուրս ընկնելու պատճառով
Իսպանիայում Մալագա-Սեւիլիա երթուղու մարդատար գնացքը դուրս է ընկել ռելսերից: Այդ մասին հայտնել են տեղական ԶԼՄ-ները՝ վկայակոչելով Անդալուսիայի մարզի արտակարգ ծառայությանը:
«Մալագա-Սեւիլիա ուղեգծին մարդատար գնացքը դուրս է ընկել ռելսերից, ինչի հետեւանքով յոթ մարդ վնասվածքներ են ստացել, նրանցից երեքը՝ լուրջ»,-ասված է արտակարգ ծառայությունների հաղորդագրության մեջ: El Mundo թերթը նշում է, որ միջադեպը տեղի է ունեցել տեղական ժամանակով ժամը 10:21-ին (Երեւանի ժամանակով ժամը 13:21-ին) Արաալ բնակավայրի շրջանում, երթուղու 19-րդ կիլոմետրի վրա. ռելսերից դուրս Է ընկել գնացքի երրորդ վագոնը, հաղորդել է «Ինտերֆաքս»-ը:
