«Բավարիան» մտադիր է ձեռք բերել Օլիվիե Ժիրուին
«Արսենալի» հարձակվող Օլիվիե Ժիրուն հետաքրքրել է մյունխենյան ակումբին: Տվյալ պահին մյունխենցիները գտնվում են հարձակվողի որոնումների մեջ, ով կկարողանա մրցակցել Ռոբերտ Լևանդովսկու հետ և, անհրաժեշտության դեպքում, կփոխարինի նրան: Ինչպես հաղորդում է Sport Bild-ը, «Բավարիան» այդպիսի ֆուտբոլիստ համարում է «Արսենալի» հարձակվող Օլիվիե Ժիրուին:
Վերջին ժամանակները ֆրանսիացի ֆուտբոլիստը հաճախ չի հայտնվում «զինագործների» մեկնարկային կազմում, քանի որ Արսեն Վենգերն ավելի շատ վստահում է Ալեքսանդր Լյակազետին: «Բավարիայում» հույս ունեն, որ Ժիրուն կցանկանա ընդունել նոր մարտահրավեր և փորձել իրեն Գերմանիայի առաջնությունում: Ավելի վաղ հաղորդվել էր, որ Ժիրուն չի պատրաստվում հեռանալ «Արսենալից»:
Պատրաստեց Անի Գաբուզյանը
