Իսպանիայի վարչապետը վստահ է, որ Կատալոնիայում ընտրությունները կանցնեն հանգիստ մթնոլորտում
Իսպանիայի կառավարության նախագահ Մարիանո Ռախոյը վստահություն է հայտնել, որ Կատալոնիայում արտահերթ ընտրությունները կանցնեն նորմալ պայմաններում: Այդ մասին նա հայտարարել է նոյեմբերի 15-ին՝ ելույթ ունենալով երկրի Պատգամավորների կոնգրեսում (խորհրդարանի ստորին պալատ)։
«Ես համոզված եմ, որ ընտրությունները կկայանան հանգիստ մթնոլորտում»,-նշել է վարչապետը: Նրա խոսքով՝ տարածաշրջանում քվեարկությունը «կանցնի երաշխավորված եւ նորմալ» մթնոլորտում: «Դեկտեմբերի 21-ը պետք է դառնա խաղաղության, օրենքի նկատմամբ հարգանքի եւ տնտեսական բարելավման փուլի սկիզբ,-ընդգծել է Ռախոյը:-Ես քվեարկելու կոչ եմ անում բոլոր կատալոնցիներին»: «Եթե Կատալոնիայում ամեն ինչ լավ անցնի, տնտեսությունը կարող է աճել հունվարից»,-հավելել է նա:
«Այսօր կարող եմ ձեզ ասել, որ իրադրությունը լավացել է»,-նշել է նա, հաղորդել է ՏԱՍՍ-ը:
