Խորագիր:

iPhone X-ը «կոտրելու» դիմակ է ստեղծվել

iPhone X-ը «կոտրելու» դիմակ է ստեղծվել

Վիետնամի Bkav հետազոտական ընկերության մասնագետներն ստեղծել են դիմակ, որի միջոցով հաջողվել է iPhone X-ում «կոտրել» Face ID պաշտպանության համակարգը: YouTube-ում հրապարակված տեսահոլովակում փորձագետները ցուցադրել են, թե ինչպես է իրենց հաջողվել շրջանցել սմարթֆոնի պաշտպանությունը: Դիմակը բաղկացած է 3D-մոդելի դեմքից եւ սոսնձված աչքերի եւ շրթունքների լուսանկարներից, ինչպես նաեւ սիլիկոնային քթից։

Bkav-ի աշխատակիցները տեսահոլովակում միայն ցուցադրում են, թե իրենց ինչպես է հաջողվում դիմակի միջոցով արգելազերծել սմարթֆոնը, բայց ոչ համակարգի սարքաբերման բուն գործընթացը: Հավանաբար, Face ID-ն սկզբնապես սարքաբերված է եղել այդ «դեմքի» ճանաչմանը: Բացի դրանից, չի հաղորդվում, թե քանի փորձ է պահանջվել համակարգը «կոտրելու» համար:

Մասնագետները նշել են, որ դիմակի ստեղծման գործընթացն իրենցից շատ ժամանակ է պահանջել, եւ ծախսերը կազմել են 150 դոլար (առանց 3D-տպիչի արժեքի հաշվառման):

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-11-28
Ի՞նչ կտա Հայաստանի սովորական քաղաքացիներին ՀՀ-ԵՄ համաձայնագիրը
Հայաստանում Եվրոպական միության պատվիրակության ղեկավար, Արտակարգ և լիազոր դեսպան Պյոտր Սվիտալսկին երեկ լրագրողների հետ հանդիպման ընթացքում խոսեց Հայաստան-Եվրոպական միություն նոր համաձայնագրի մասին։