Աբրամովիչը որոշել է հեռացնել Կոնտեին
«Չելսիի» գլխավոր մարզիչ Անտոնիո Կոնտեին հեռացում է սպառնում: Ըստ Marca-ի տեղեկության՝ լոնդոնյան ակումբի սեփականատեր Ռոման Աբրամովիչը դադարել է շփվել իտալացի մասնագետի հետ և արդեն որոշում է ընդունել՝ հեռացնել նրան:
Ռուսաստանցի միլիարդատերը դժգոհ է ոչ միայն թիմի ելույթներից Անգլիայի առաջնությունում, որտեղ կապույտները 10 տուրերից հետո գրավում են 4-րդ տեղը, այլ նաև «Չելսիի» ֆուտբոլիստների հետ Կոնտեի կոնֆլիկտներից:
Ավելի վաղ Աբրամովիչին դուր չի եկել թիմի հարձակվող Դիեգո Կոստայից բաժանվելու՝ Կոնտեի որոշումը: Բացի այդ, մարզիչն ունի տրանսֆերային տարաձայնություններ ակումբի ղեկավարության հետ:
Պատրաստեց Անի Գաբուզյանը
