Twitter-ում անջատել են Թրամփի օգտահաշիվը
Twitter-ում ԱՄՆ-ի նախագահ Դոնալդ Թրամփի օգտահաշիվը նոյեմբերի 2-ին «ոչ կանխամտածված անջատվել է» եւ 11 րոպե չի աշխատել: Այդ մասին ասված է սոցիալական ցանցի հայտարարության մեջ:
«Այսօր ավելի վաղ @realdonaldtrump օգտահաշիվը ոչ կանխամտածված անջատվել է Twitter-ի աշխատակցի սխալի պատճառով: Օգտահաշիվն անջատվել է 11 րոպե եւ ներկայում վերականգնված է: Մենք շարունակում ենք հետաքննությունը եւ քայլեր ենք ձեռնարկում, որպեսզի դա չկրկնվի»,- նշել են ընկերությունում:
