«Փյունիկ»-ը կրկին կգլխավորի Արմեն Գյուլբուդաղյանցը
Երևանի «Փյունիկ»-ի գլխավոր մարզչի պաշտոնը նորից կզբաղեցնի Արմեն Գյուլբուդաղյանցը: Այս մասին հայտնում է ակումբը: Ալեքսեյ Յերյոմենկոյի հեռանալուց հետո «Փյունիկի» գլխավոր մարզչի պաշտոնը կզբաղեցնի թիմի սպորտային տնօրեն և մանկապատանեկան ֆուտբոլի զարգացման ծրագրի ղեկավար Արմեն Գյուլբուդաղյանցը, ով մինչ այս տարվա օգոստոսը ստանձնել էր նաև թիմի գլխավոր մարզչի պաշտոնը: Արմեն Գյուլբուդաղյանցն այս պահին վերապատրաստվում է Իտալիայում և առաջիկա խաղին թիմը կգլխավորի Սուրեն Չախալյանը:
Փոփոխություններ են եղել նաև ակումբի երկրորդ թիմում: «Փյունիկի» երկրորդ թիմը գլխավորեց անվանի ֆուտբոլիստ և մարզիչ Ալբերտ Սարգսյանը, ով մինչ այդ աշխատում էր «Փյունիկի» գլխավոր թիմի մարզչական շտաբում: «Փյունիկ – 2»-ի նախկին գլխավոր մարզիչ Սամվել Պողոսյանը կշարունակի իր աշխատանքը այլ հաստիքում:
