«Բարսելոնան» կապվել է Անտուան Գրիզմանի գործակալի հետ
Կատալոնացիները վերադարձել են ֆրանսիացուն ստորագրելու մտքին: Կատալոնական ակումբի ղեկավարներն արդեն կապվել են Գրիզմանի գործակալի հետ:
Ինչպես հաղորդում է Mundo Deportivo-ն, ֆուտբոլիստի ձեռքբերման մեջ հետաքրքրված է անձամբ «Բարսելոնայի» գլխավոր մարզիչ Էռնեստո Վալվերդեն: Վալվերդեն ցանկանում էր ձեռք բերել Գրիզմանին ամառային տրանսֆերային պատուհանի ժամանակ, բայց ակումբի նախագահ Խոսեպ Մարիա Բարտոմեուն տրանսֆերի համար պահանջված 200 մլն եվրոն համարեց չափազանցված:
2017-18թթ. մրցաշրջանի ավարտից հետո հարձակվողի հրաժարագինը կիջնի մինչև 100 մլն եվրո: Գրիզմանի պայմանագիրն «Ատլետիկոյի» հետ նախատեսված է մինչև 2022 թվականը:
Պատրաստեց Անի Գաբուզյանը
