Samsung Galaxy J2 (2017). ընկերությունը թարմացրել է իր ամենատարածված սմարթֆոնը
Samsung Galaxy J2 սմարթֆոնի թարմացված տարբերակն արդեն հայտնվել է ընկերության պաշտոնական կայքում: Մասնագետները կանխատեսում են, որ արդեն հաջորդ շաբաթ սմարթֆոնը կսկսի վաճառվել:
Ըստ հետազոտությունների՝ ընկերության հենց այս սմարթֆոնն է համարվել ամենավաճառվածը:
Ընկերությունը սմարթֆոնի 2017 թվականի տարբերակում կատարել է մի շարք փոփոխություններ:
Բնութագրիչներ
- Դիսփլեյ-4,7 դյույմ՝ 540 x 960 ընդլայնմամբ
- Չիպ- Exynos չիփսեթ՝ 1,3 ԳՀց հաճախականությամբ
- Օպերատիվ հիշողություն- 1 ԳԲ
- Տեսախցիկ- 5 ՄՊ՝ CMOS-սենսորով, 2 ՄՊ՝ դիմացի տեսախցիկ
- Օպերացիոն համակարգ- Android
- Չափ և քաշ- 136,5×69,4×8,4 մմ, քաշը՝ 130 գրամ
Ընկերության պաշտոնական կայքում օպերացիոն համակարգի թարմացումը հստակ նշված չէ: Սմարթֆոնում առկա է Smart Manager, որը կօգնի ազատվել ավելորդ ֆայլերից, ինչպես նաև Ultra Mods, որը թույլ կտա խնայել 4G / 3G համակարգերի աշխատանքը:
Արժեքը
Ընկերության կայքում սմարթֆոնը ներկայացված է միայն սև գույնով: Սմարթֆոնի թարմացված տարբերակը ևս կլինի բյուջետային. այն կարժենա 114 դոլար:
Սիրարփի Աղաբաբյան
