Արցախի տնտեսությունը 17.2%-անոց աճ է գրանցել
2017 թվականի հունվար-օգոստոսին՝ նախորդ տարվա նույն ժամանակահատվածի համեմատ, Արցախի ՀՆԱ-ի իրական աճը կազմել է 17.2%։ Այս մասին տեղեկանում ենք Արցախի Հանրապետության Ազգային վիճակագրական ծառայությունից։
Նշենք, որ կիսամյակի կտրվածքով տնտեսական աճի ցուցանիշը 14.9% էր։ Այսինքն, աճի՝ առանց այն էլ բարձր տեմպը արագացել է։
Տնտեսական աճը գրանցվել է հիմնականում արդյունաբերության և շինարարության հաշվին։
