«Դատավորների միջև դատական գործերը հավասար չեն բաշխվում». Կարեն Կարապետյան
Այսօր կառավարության նիստի սկզբում վարչապետ Կարեն Կարապետյանն անդրադարձավ դատական գործերի բաշխման ընթացակարգերի արդյունավետության բարձրացման և գործերի քննության տևողության կրճատման խնդրին:
Ըստ նրա` դատական գործերի քննության կապակցությամբ ձևավորված իրավակիրառ պրակտիկայի արդյունքում վեր են հանվել խնդիրները, մասնավորապես` նույն դատարանի դատավորները ծանրաբեռնված են, բայց գործերի բաշխումը կատարվում է մեծ հայեցողականությամբ, իսկ գործերի քննության հետաձգումները պատճառաբանված չեն:
Վարչապետն արդարադատության նախարարին հանձնարարեց դատավորների միջև դատական գործերի բաշխման հայեցողականության սահմանափակման և արդյունավետության բարձրացման, նաև որոշակի գումարային շեմը գերազանցող քաղաքացիական գործերի լուծումը սեղմ ժամկետում ապահովող գործիքակազմ մշակել և առաջարկություններ ներկայացնել կառավարություն:
