1 ամսից լրանում է կառավարության գործունեության 1 տարին. Վարչապետը հանձնարարականներ տվեց
Այսօր կառավարության նիստի սկզբում վարչապետ Կարեն Կարապետյանը հիշեցրեց, որ 1 ամսից լրանում է կառավարության գործունեության 1 տարին: Հաշվի առնելով հաշվետվողական քաղաքականությունը` Կ.Կարապետյանը հանրապետական գործադիր մարմինների ղեկավարներին հանձնարարեց մեկամսյա ժամկետում ամփոփել աշխատանքները և հանրությանը ներկայացնել հստակ հաշվետվություններ:
«Այն ծրագրերը, որ ընթացքի մեջ են, ևս պետք է ներկայացնել, թե ինչ փուլում են և երբ կհասցվեն ավարտին»,- ասաց վարչապետը:
