Բիլյարդանոցում պատանդ վերցված 23-ամյա աղջիկը գտնվում է վերակենդանացման բաժանմունքում
«Weekend» բիլյարդանոցում պատանդ վերցված 23-ամյա աղջիկը տեղափոխվել է «Էրեբունի» հիվանդանոց: Հիվանդանոցի գործադիր տնօրեն Միքայել Մանուկյանը 168.am-ին հայտնեց, որ բազմաթիվ հետազոտություններ են արվել.
«Վիճակը կայուն է, գտնվում է վերակենդանացման բաժանմունքում։ Ունի բազմաթիվ կապտուկներ, բազմաթիվ կտրած վերքեր ունի մարմնի վրա և սթրեսային վիճակում է»։
Էրեբունի վարչական շրջանում գտնվող բիլյարդանոցներից մեկում մի կնոջ պատանդ վերցրած տղամարդը վնասազերծվել է: Տղամարդուն վնասազերծել է դիպուկահարը:
Լուսանկարը՝ Գագիկ Շամշյանի
