Թրամփը համոզված է, որ ԱՄՆ-ի և ՌԴ-ի հարաբերությունները վաղ թե ուշ կբարելավվեն
ԱՄՆ-ի նախագահ Դոնալդ Թրամփը հայտարարել է, թե հավատում է Վաշինգտոնի եւ Մոսկվայի հարաբերությունների բարելավմանը: Այդ մասին նա հայտարարել է Ֆինլանդիայի նախագահ Սաուլի Նիյնիստյոյի հետ հանդիպման արդյունքներին նվիրված մամուլի ասուլիսում:
«Լավ կլիներ, եթե մենք հիանալի հարաբերություններ ունենայինք Ռուսաստանի հետ, գոնե լավ հարաբերություններ: Կարծում եմ՝ վաղ թե ուշ դա տեղի կունենա: Արժե, որ մենք կարգավորենք հարաբերությունները միջուկային մեծ տերության հետ»,- ասել է նա:
Դրա հետ մեկտեղ Թրամփը հրաժարվել է պատասխանել լրագրողի տված ուղղակի հարցին՝ նա Ռուսաստանը համարում է արդյոք սպառնալիք ԱՄՆ-ի անվտանգության համար: «Այդ առումով ես դիտարկում եմ բազմաթիվ երկրներ»,- խուսափողաբար հայտարարել է Սպիտակ տան ղեկավարը:
