Հարավային Կորեայի պաշտպանության նախարարը մեկնել է ԱՄՆ՝ քննարկելու ԿԺԴՀ-ի հրթիռամիջուկային խնդիրը
Կորեայի Հանրապետության ազգային պաշտպանության նախարար Սոն Յոն Մուն օգոստոսի 29-ին մեկնել է ԱՄՆ, որտեղ պլանավորում է քննարկել ԿԺԴՀ-ի վերջին հրթիռային փորձարկումները: Այդ մասին հայտնել էYonhap գործակալությունը:
Վաշինգտոն մեկնելուց առաջ Սոն Յոն Մուն լրագրողներին հայտարարել է, որ «հրթիռային արձակումներին ի պատասխան հնարավոր քայլերը կքննարկի ԱՄՆ-ի պաշտպանության նախարարի եւ Սպիտակ տան ազգային անվտանգության խորհրդականի հետ»: Գործակալության տվյալներով՝ Հարավային Կորայի պաշտպանական գերատեսչության ղեկավարի բանակցություններն իր ամերիկացի պաշտոնակից Ջեյմս Մեթիսի հետ տեղի կունենան օգոստոսի 30-ին:
Մինչ այդ Հարավային Կորեայի Շտաբների պետերի կոմիտեն Սեուլում տարածված հայտարարության մեջ նշել է, որ Կորեայի Հանրապետությունը եւ ԱՄՆ-ը վճռական գործողություններ կձեռնարկեն ի պատասխան նոր հրթիռային արձակման, որը Փենյանն իրականացրել է օգոստոսի 29-ին:
Կոմիետի պետ Չոն Գյոն Դուն շտապ հեռախոսազրույցներ է վարել ամերիկացի իր պաշտոնակից Ջոզեֆ Դանֆորդի հետ: «Կողմերը պայմանավորվել են ամենակարճ ժամկետներում ձեռնարկել պատասխան միջոցներ, ներառյալ ռազմական, որոնք կցուցադրեն դաշնակիցների վճռականությունը»,- ընդգծված է հաղորդագրության մեջ, հաղորդել է ՏԱՍՍ-ը:
