ԱՄՆ-ում «Հարվի» փոթորկի զոհ է դարձել առնվազն 10 մարդ. NYT

ԱՄՆ-ի Տեխասի նահանգում մոլեգնող «Հարվի» փոթորկի զոհերի թիվը, փոթորիկ, որը թուլացել է մինչեւ արեւադարձային փոթորկի կատեգորիա, հասել է 10-ի: Օգոստոսի 28-ին այս մասին հայտնել է The New York Times (NYT) թերթը՝ վկայակոչելով տեղի իշխանություններին:

Հրատարակության տվյալներով՝ Հյուսթոնում այս պահի դրությամբ տեղացել է արդեն ավելի քան 760 միլիմետր անձրեւ: Քաղաքի ավելի քան 8 հազար բնակիչներ գտնվում են ապաստարաններում:

«Հարվիի» զոհերի վերաբերյալ տվյալները տարբերվում են: Զանգվածային լրատվամիջոցներից մի քանիսը հայտնում են յոթ-ութ զոհվածների մասին:

CNN հեռուստաալիքի տեղեկատվությամբ՝ ներկայում «Հարվին» վերստին ուժեղանում է: Ինչպես սպասվում է, այն, մասնավորապես, կանցնի Լուիզիանայի նահանգով, որտեղ մի քանի օկրուգներում արդեն տարերային աղետի ռեժիմ է սահմանված, հաղորդել է ՏԱՍՍ-ը:

Լուսանկարը` AP