Բելա Հադիդը երկրորդ անգամ կմասնակցի Victoria՚s Secret-ի ամենամյա շոուին
Ամերիկացի մոդել Բելա Հադիդն արդեն երկրորդ անգամ կմասնակցի Victoria՚s Secret-ի ամենամյա շոուին: Այդ մասին հայտնել է Harper՚s Bazaar-ը:
«Ես այնպես հուզված եմ: Շնորհակալություն: Չեմ կարողանում հավատալ, որ կրկին դառնալու եմ շոուի մասնակից: Չեմ կարողանում սպասել եւս մեկ անհավանական փորձի»,-ասել է մոդելը: Նրա քույրը՝ Ջիջի Հադիդը, դեռեւս չի հաստատել իր մասնակցությունը շոուին:
Բելա Հադիդն ամերիկացի մոդել է, նա իր կարիերան սկսել է 2014 թվականին: Տարբեր ժամանակներում նա համագործակցել է Dior-ի, Nike-ի, Calvin Klein-ի հետ, տասնյակ անգամ բարձրացել է պոդիում, առաջին անգամ մասնակցել է Victoria’s Secret-ի ցուցադրությանը եւ Models.com. պորտալի վարկածով ճանաչվել է տարվա մոդել:
Victoria՚s Secret-ը ընկերություն է, որը մասնագիտանում է կանանց ներքնազգեստի, հագուստի, աքսեսուարների եւ կոսմետիկայի թողարկման բնագավառում: Այն բազավորված է Կոլումբուսում (ԱՄՆ-ի Օհայոյի նահանգ): Առաջին ցուցադրությունը տեղի է ունեցել 1995 թվականին:
