Դե Միստուրան ժամանել է Թեհրան և հանդիպումներ է անցկացնում Սիրիայի խնդրի շուրջ
Սիրիայի խնդրով ՄԱԿ-ի հատուկ ներկայացուցիչ Ստաֆան դե Միստուրան ժամանել է Թեհրան՝ Սիրիայի հարցի շուրջ հանդիպումներ անցկացնելու Իրանի պաշտոնատարների հետ: Այդ մասին հայտնել է Իրանի պետական հեռուստատեսությունը:
Նրա տվյալներով՝ դե Միստուրան ներկայում բանակցում է Իրանի արտաքին գործերի փոխնախարար Հոսեյն Ջաբերի Անսարիի հետ՝ քննարկելով սիրիական թեմայով վերջին իրադարձությունները եւ Աստանայի բանակցությունները:
Օգոստոսի 28-ին ավելի ուշ նա հանդիպում կունենա Իրանի ԱԳ նախարար Մոհամադ Ջավադ Զարիֆի եւ Աստանայի գործընթացին մասնակցող իրանական թիմի հետ: Սիրիայի շուրջ Աստանայի բանակցությունների վեցերորդ փուլը պլանավորված է սեպտեմբերի երկրորդ տասնօրյակում, հաղորդել է ՌԻԱ Նովոստին:
