Թրամփն արգելել է տրանսգենդերներին ծառայել բանակում
ԱՄՆ նախագահ Դոնալդ Թրամփը արգելել է տրանսգենդերներին ծառայել բանակում: «ՌԻԱ Նովոստի»-ի հաղոդրմամբ՝ այդ մասին նշված է նրա կողմից ստորագրված հուշագրում:
Փաստաթղթի համաձայն՝ ԱՄՆ նախկին նախագահ Բարաք Օբամայի ադմինիստրացիայի կողմից արգելքը վերացնելու հետևանքով նվազում է բանակի արդյունավետությունը, ավելանում են դրա պահպանման ծախսերը, խախտվում է առանձին ստորաբաժանումների կարգավորվածությունը: Օրենքն ուժի մեջ մկտնի 2018թ. մարտի 23-ին:
Տարբեր գնահատականներով՝ ԱՄՆ բանակում ծառայում է 1,3 հազարից մինչև 6 հազար տրանսգենդերներ: Բացի այդ՝ Պենտագոնին արգելվել է օգտագործել ռեսուրսները զինծառայողների սեռափոխության վիրահատություններ կատարելու համար:
Հուլիսի վերջին Թրամփը բարձրացրել էր այս հարցը: Նրա խոսքով՝ «այդ մարդկանց ծառայության ընդունելը» հանգեցնում է բժշկական մեծ ծախսերի և կարգուկանոնի խախտման:
