Նոր Հաճնում ՌԴ քաղաքացի է սպանվել. կասկածյալն իր ազգականն է
Օգոստոսի 24-ին Նոր Հաճն քաղաքում փորձել են խեղդամահ անել Ռուսաստանի Դաշնության քաղաքացու, որը տեղափոխվել է հիվանդանոց և օգոստոսի 25-ին մահացել: 168.am-ին ՀՀ Ոստիկանության ԶԼՄ-ների հետ կապի բաժնից հայտնեցին, որ արդեն գործ է հարուցվել, և այն քննվում է Քննչական կոմիտեում:
ՀՀ քննչական կոմիտեի նախագահի խորհրդական Սոնա Տռուզյանը մեզ հայտնեց, որ ՌԴ քաղաքացին ազգությամբ հայ էր, որին սպանելու կասկածյալն իր ազգականն է: 60-ամյա տղամարդուն սպանելու կասկածանքով՝ ազգականը ձերբակալվել է:
Հարցին, թե կասկածյալն ընդունե՞լ է արդյոք իր մեղավորությունը, Ս. Տռուզյանը պատասխանեց, որ այլ մանրամասներ չեն հրապարակվում:
