Ապրելու համար լավագույն 3 քաղաքները

Ավստրալիայի երեք քաղաքներ, Կանադայի երեք քաղաքներ, ինչպես նաեւ Ավստրիայի, Նոր Զելանդիայի, Ֆինլանդիայի եւ Գերմանիայի քաղաքները տեղ են գտել ապրելու համար 2017 թվականի աշխարհի լավագույն քաղաքների տասնյակում: Այդ մասին վկայում են Economist Intelligence Unit հանդեսի Global Liveability Report ամենամյա հաշվետվության արդյունքները:

Ուսումնասիրության արդյունքների համաձայն, աշխարհում ապրելու համար լավագույն քաղաք է ճանաչվել ավստրալական Մելբուռնը:

Երկրորդ տեղն զբաղեցրել է Ավստրիայի մայրաքաղաք Վիեննան, երրորդից մինչեւ հինգերորդ դիրքերում կանադական Վանկուվեր, Տորոնտո եւ Կալգարի քաղաքներն են:

Լավագույննների ցուցակում հայտնվել են Ավստրալիայի եւս երկու քաղաքներ՝ Ադելաիդան եւ Պերտը, ինչպես նաեւ Նոր Զելանդիայի Օքլենդ խոշորագույն քաղաքը եւ Ֆինլանդիայի մայրաքաղաք Հելսինկին: Ապրելու համար լավագույն քաղաքների տասնյակը եզրափակում է գերմանական Համբուրգը: Մոսկվան այս վարկանիշում զբաղեցրել է 80-րդ հորիզոնականը:

Ցուցակում ներառվածների թվից ապրելու համար վատագույն քաղաքների տասնյակում տեղ են գտել Կիեւը (131-րդ տեղ), Պակիստանի Կարաչին (134-րդ տեղ), Ալժիրի Ժողովրդադեմոկրատական Հանրապետության Ալժիր քաղաքը (135-րդ տեղ) եւ լիբիական Տրիպոլին (138-րդ տեղ): 2017 թվականին աշխարհում ապրելու համար վատագույն քաղաքը, հանդեսի վարկածով, դարձել է Սիրիայի մայրաքաղաք Դամասկոսը:

Սիրիայում զինված հակամարտությունը շարունակվում է 2011 թվականի մարտից: ՄԱԿ-ի տվյալներով՝ այդ ժամանակաընթացքում զոհվել է ավելի քան 220 հազար մարդ, հաղորդել է ՌԻԱ Նովոստի գործակալությունը:

Տեսանյութեր

Լրահոս