620.000 դրամ, 1.350 դոլար, 10.000 ռուբլի և 110 եվրո գողացողը ձերբակալվեց
Օգոստոսի 17-ին ոստիկանության Մասիսի բաժնում հաղորդում էր ստացվել Խաչիկ Ե.-ի տնից գողություն կատարելու մասին: Այս մասին հայտնում է ՀՀ ոստիկանությունը:
Ոստիկանության ԿՀԴՊԳՎ ԹԱՇԴՊՎ, Արարատի մարզային վարչության և Մասիսի բաժնի ծառայողների ձեռնարկված միջոցառումների շնորհիվ՝ դեպքի հաջորդ օրը հանցագործությունը բացահայտվեց. օգոստոսի 18-ին, ժամը 11.35-ին, գողություն կատարելու կասկածանքով Մասիս քաղաքի 4-րդ փողոցից բերման է ենթարկվել 1989 թ. ծնված Հովհաննես Մ.-ն:
Հետագա միջոցառումների շնորհիվ հիմնավորվել է, որ Հովհաննես Մ.-ն օգոստոսի 16-ին, ժամը 22-ի սահմաններում, Այնթափ գյուղի նշված տան պատուհանը բացելով՝ մուտք է գործել և գողացել 620.000 դրամ, 1.350 ԱՄՆ դոլար, 10.000 ՌԴ ռուբլի և 110 եվրո գումար:
Գողոնը մասամբ առգրավված է: Հովհաննես Մ.-ն ձերբակալվել է: Կատարվում է քննություն:
