ԿՀՎ-ն Բարսելոնայում ահաբեկչության սպառնալիքի մասին նախազգուշացրել էր երկու ամիս առաջ
Երկու ամիս առաջ ԱՄՆ-ի Կենտրոնական հետախուզական վարչությունը (ԿՀՎ) Կատալոնիայի ոստիկանությանը նախազգուշացրել էր Բարսելոնայում ահաբեկչական գրոհների սպառնալիքի մասին: Այդ մասին օգոստոսի 18-ին հայտնել է El Periodico-ն:
Հնարավոր թիրախների թվում ամերիկյան հետախուզությունը, մասնավորապես, նշել էր Ռամբլայի փողոցը:
Բացի դրանից, երկու շաբաթ առաջ Twitter-ի օգտահաշիվներից մեկում, որը կապված է «Իսլամական պետություն» ահաբեկչական խմբավորման հետ, հայտնվել է գրություն, որում տեղեկացվում էր, թե շուտով հարձակում է կատարվելու Իսպանիայի վրա: «Մենք ջիհադ կիրականացնենք Իսպանիայում և մեզ կվերադարձնենք մեր հողը: Գրոհն Ալ Անդալուսի վրա (Իսպանիայի անվանումը մուսուլմանների տիրապետության դարաշրջանում) անխուսափելի է»,- ասվում էր դրանում, հաղորդել է «Ինտերֆաքս»-ը:
