Ինչո՞ւ Գյումրու քաղաքապետարանի կայքէջում չկան ընդդիմադիր երեք խմբակցությունների տվյալները
Գյումրու քաղաքապետարանի պաշտոնական կայքէջի խմբակցություններ բաժնում կարելի է տեսնել միայն իշխող «Բալասանյան» դաշինքի անունը և խմբակցության կազմը: Մյուս երեք ընդդիմադիր խմբակցությունների՝ «Հայկական Վերածնունդի», «Բարգավաճ Հայաստանի» և ԳԱԼԱ-ի տվյալները չկան:
168.am-ի հետ զրույցում Գյումրու համայնքի ղեկավարի մամուլի խոսնակ Սոնա Առաքելյանը պարզաբանեց, որ մյուս երեք խմբակցությունները չեն ներկայացրել այն համապատասխան փաստաթղթերի փաթեթը, որն օրենքով անհրաժեշտ է կայքում այդ խմբակցության տվյալները մուտքագրելու համար. «Օրենքով պահանջվող փաստաթղթային փաթեթը չկա, չի ներկայացվել, դրա համար էլ չկան կայքում»:
