Գառնիում կատակերգություն կցուցադրվի
«Գառնի» պատմամշակութային արգելոց-թանգարանի բացօթյա կինոսրահի մեծ էկրանին օգոստոսի 18-ին, ժամը 20:30 -ին կցուցադրվի «Աստվածները երևի խենթացել են» ամերիկյան ֆիլմարտադրության կատակերգությունը: Ինչպես տեղեկացրին «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի լրատվության բաժնից, մեկ ժամից ավելի տևողությամբ կինոնկարը ներկայացնում է հեռավոր աֆրիկյան ցեղերից մեկի՝ բուշմենների կյանքը 1980-ականներին և նրանց առնչությունը ժամանակակից քաղաքակրթությանը:
