Նեպալում ջրհեղեղների և սողանքների հետևանքով զոհերի թիվը հասել է 70-ի
Նեպալում վերջին երեք օրվա ընթացքում շարունակվող ջրհեղեղների և սողանքների հետևանքով մահացածների թիվն աճել է մինչև 70 մարդ: Այս մասին հայտնում է «ՏԱՍՍ»-ը՝ հղում կատարելով Reuters գործակալությանը:
Ավելի վաղ The Kathmandu Post թերթը գրում էր 58 մահացածների մասին: Ջրհեղեղի պատճառով ջրի տակ է հայտնվել շուրջ 36 հազար տուն:
Երկրի հարավում շուրջ 5 հազար մարդ ստիպված են եղել լքել իրենց տները:
