Առնվազն 18 մարդ է զոհվել Բուրկինա Ֆասոյում սրճարանի վրա զինյալների հարձակման հետևանքով
Արեւմտյան Աֆրիկայի Բուրկինա Ֆասո պետության մայրաքաղաք Ուագադուգուում առնվազն 18 մարդ է զոհվել «Իսլամական պետություն» ահաբեկչական կազմակերպությանը մոտ զինյալների կողմից ռեստորանի գնդակոծման հետեւանքով: Այդ մասին հայտնել է Associated Press (AP) գործակալությունը՝ վկայակոչելով իշխանությունների հայտարարությունը:
Զոհերի թիվն, ինչպես ասված է հաղորդագրության մեջ, ճշտել էերկրի կապի նախարար Ռեմի Դանչժինուն, ավելի վաղ նա նշել էր 17 զոհվածների եւ ութ վիրավորների մասին: Նա նաեւ հայտնել է որ բոլոր զոհվածները եւ տուժածները տարբեր ազգությունների ներկայացուցիչներ են: Ինչպես հայտնել է Reuters գործակալությունը, զոհվածների թվում եղել է Թուրքիայի քաղաքացի: Թուրքիայի արտաքին գործերի նախարարությունում հավաստել են այս տեղեկատվությունը:
Անվտանգության ծառայությունների վկայությամբ՝ հարձակվողների ստույգ թիվը դեռեւս պարզված չէ, նրանցից երեքը ռեստորանի մոտ են եկել մոտոցիկլետներով եւ կրակ բացել այցելուների վրա, որոնք գտնվում էին հաստատության առջեւի հրապարակում: Դանչժինուն հայտնել է, որ ահաբեկիչների հետ փոխհրաձգության ընթացքում անվտանգության ծառայությունների աշխատակիցներին հաջողվել է ոչնչացնել հարձակվողներից երեքին:
Ինչպես ավելի վաղ տեղեկացվել է, զինված մարդիկ օգոստոսի 13-ի երեկոյան գրավել են ««Ազիզ Ստամբուլ» թուրքական ռեստորանը, ականատեսները վկայել են քաղաքի այդ շրջանում փոխհրաձգության մասին, որտեղ գտնվում է ռեստորանը, հաղորդել է «Ինտերֆաքս»-ը:
