Դժբախտ պատահարներից, շնչառական և մարսողական համակարգի հիվանդություններից մահվան դեպքերը Հայաստանում նվազել են
Դժբախտ պատահարներից, վնասվածքներից ու թունավորումներից, շնչառական և մարսողական համակարգի հիվանդություններից մահվան դեպքերը Հայաստանում 2017-ի առաջին եռամսյակին նվազել են՝ նախորդ տարվա նույն ժամանակահատվածի համեմատ: Չնայած դրան՝ ավելացել է արյան շրջանառության համակարգի հիվանդություննցրից և նորագոյացություններից մահացությունը:
ՀՀ ազգային վիճակագրական ծառայության տվյալներով՝ 1000 բնակչի հաշվով մահացության ամենաբարձր ցուցանիշն ունեցել է Լոռին, իսկ ամենացածրը՝ Երևանը:
Շնչառական օրգանների հիվանդություններից մահացությունը Հայաստանում 2017-ի առաջին եռամսյակին կազմել է 633՝ նախոդ տարվա 655-ի համեմատ: Մարսողական համակարգի հիվանդությունների թիվը 2017-ին նվազել է 23-ով՝ դառանալով 501, դժբախտ պատահարներից, վնասվածքներից ու թունավորումներից մահացությունը նվազել է 8-ով՝ կազմելով 291:
Դրան հակառակ՝ ավելացել են արյան շրջանառության համակարգի հիվանդություններից մահերը՝ 3908՝ նախորդ տարվա 3688-ի համեմատ: Նորագոյացություններից մահերը կազմել են՝ 1584՝ նախորդ տարվա համեմատ ավելանալով 52-ով:
Ամենից շատ մահեր գրանցվել են Լոռիում՝ 1000 բնակչի հաշվով 15.7, հաջորդը Վայոց Ձորն է՝ 13.5, այնուհետև Տավուշը՝ 13.0: Ամենաքիչ մահացողներ եղել են Երևանում՝ 9.5:
