64-ամյա տղամարդն ապակյա բաժակով ու ափսեով հարվածել է որդու գլխին
Երևանում 36-ամյա տղամարդը հոր կողմից բռնության է ենթարկվել:
«Փաստինֆո»-ի տեղեկություններով՝ նախօրեին Նորքում բնակվող մի տղամարդ հոր կողմից ծեծի է ենթարկվել: Տղամարդու 64-ամյա հայրը վիճաբանության ժամանակ բաժակով, ափսեով ու այլ կենցաղային իրերով հարվածներ է հասցրել որդու գլխին:
Արդյունքում՝ տղամարդը հայտնվել է հիվանդանոցում՝ գանգուղեղային վնասվածքով, բացի այդ՝ նաև քթի և ձախ հոնքային շրջանում առկա վերքերով:
Որդին հոր դեմ չի ցանկացել բողոքել, սակայն նշանակվել է դատաբժշկական փորձաքննություն և հետաքննություն է կատարվում:
