Apple-ը կդադարի «վարդագույն ոսկու» գույնի iPhone թողարկել
Apple կորպորացիան կդադարի «վարդագույն ոսկու» գույնի iPhone թողարկել: Այդ մասին, ինչպես գրում է The Verge-ն, հայտարարել է KGI Securities-ի վերլուծաբան Մին-Չի Գոն:
Փորձագետի խոսքով՝ Apple-ն այս տարվա սեպտեմբերին կթողարկի միանգամից երեք սմարթֆոն՝ iPhone 7s, 7s Plus եւ iPhone 8: Սմարթֆոնը հասանելի կլինի միայն սեւ, արծաթագույն եւ ոսկեգույն գույներով: Դրա հետ մեկտեղ ավելի վաղ ցանցում հայտնվել է iPhone 8-ի երեք տարբերակ՝ ապակե կորպուսով, որոնց թվում եղել էպղնձագույն սարք: Մին-Չի Գոն հավելել Է, որ 2017 թվականի երրորդ կիսամյակում Apple-ը կկարողանա մատակարարել երկուսից մինչեւ չորս միլիոն նորագույն iPhone:
Այդ պատճառով սմարթֆոնի այս մոդելի դեֆիցիտ կլինի մինչեւ 2018 թվականի առաջին եռամսակը: Նոր iPhone-ը կներկայացվի աշնանն Apple-ի ամենամյա շնորհանդեսին: Ըստ լուրերի՝ սմարթֆոնը կստանա անշրջանակ OLED-դիսփլեյ: Նաեւ այն կունենա անհաղորդալար լիցքավորում եւ դեմքի սքաներ:
