Փարիզի արվարձանում ավտոմեքենան մխրճվել է զինվորականների խմբի մեջ
Փարիզի Լեւալուա-Պերե արվարձանում ֆրանսիացի վեց զինվորականներ են վիրավորվել ավտոմեքենայի կողմից վրաերթի ենթարկվելու հետեւանքով, որի վարորդը հասցրել է հեռանալ պատահարի վայրից: Այդ մասին օգոստոսի 9-ին հայտնել է France info ռադիոկայանը:
Նրա տվյալներով՝ զինվորականներից երկուսը ծանր վիճակում են, սակայն նրանց կյանքին վտանգ չի սպառնում: Զինծառայողները պարեկում էին Լեւալուա-Պերե արվարձանը: Reuters-ի փոխանցմամբ, զինծառայողները մասնակցում են Sentinelle հակաահաբեկչական գործողությանը:
Ոստիկանությանն առայժմ չի հաջողվել հայտնաբերել ոչ միջադեպի մեղավորին, ոչ նրա ավտոմեքենան:
Միջադեպը տեղի է ունեցել տեղական ժամանակով ժամը 08:15-ին, երբ զինվորները զորանոցներից դուրս էին գալիս Վերդենի հրապարակ, հաղորդել էՏԱՍՍ-ը:
