Չինաստանի Հանսուի նահանգում առնվազն յոթ մարդ է զոհվել սողանքի հետևանքով
Օգոստոսի 8-ին խոշոր սողանք է տեղի ունեցել Չինաստանի Հանսուի նահանգի Լուննան քաղաքի մերձակայքում, ինչի հետեւանքով զոհվել է յոթ մարդ, եւս երկուսն անհայտ կորած են համարվում: Այդ մասին հայտնել է «Սինհուա» գործակալությունը:
Իշխանությունները նախազգուշական միջոցառումների շրջանակներում անվտանգ վայրեր են տարհանել հազարից ավելի մարդու, սողանքի վայրում շարունակվում են որոնողափրկարարական աշխատանքները:
Սողանքի պատճառ են դարձել հորդառատ անձրեւները, որոնք չեն դադարում օգոստոսի 6-ից, հաղորդել է ՌԻԱ Նովոստին:
