Անթալիայում 5 մետրանոց շնաձուկ են որսացել
Թուրքիայի Անթալիա նահանգում ձկնորսները 5 մետրանոց շնաձուկ են որսացել:
Ըստ թուրքական «Anadolu» պետական լրատվական գործակալության՝ Անթալիայի Քոնյաալթը շրջանում զբոսանավով ծով դուրս եկած ձկնորս Օզան Էրթուրք Շահինը պատմել է, որ 5 տարի է ինչ զբասաշրջիկների համար կազմակերպում է ծովային շրջագայություններ և միաժամանակ զբաղվում է ձկնորսությամբ: Շնաձկանը որսալու պահին էլ նավում զբոսաշրջիկներ են եղել։
Շահինի խոսքերով շնաձկանը որսացել են ափից ընդամենը 2 մղոն հեռավորության վրա: Այն կշռել է մոտ 200կգ:
Ձկնորսները շնաձկանը լուսանկարելուց հետո նրան կրկին ծով են բաց թողել։
Այս մասին թուրքական գործակալության հետ զրույցում Թուրքիայի Միջերկրական ծովի համալսարանի դասախոս Մեհմեթ Գյոքօղլուն ասել է, որ վերոնշյալ շնաձուկը պատկանում է աղվեսանման շնաձկների հազվագյուտ տեսակին, և մարդու համար վտանգ չի ներկայացնում։
