Բաշկիրիայում հրդեհի զոհ է դարձել ինը մարդ, այդ թվում՝ հինգ երեխա
Բաշկիրիայի Ուգուզեւո գյուղում փայտաշեն տանը բռնկած հրդեհի զոհ է դարձել ինը մարդ, այդ թվում՝ հինգ երեխա: Օգոստոսի 7-ին այս մասին ՏԱՍՍ-ին հայտնել են հանրապետության արտակարգ իրավիճակների նախարարության մամուլի ծառայությունում:
«Պատահարի հետեւանքվ զոհվել է ինը մարդ, նրանցից հինգը՝ երեխա: Եվս երեք մարդ տուժել է»,- ասել են մամուլի ծառայությունում:
Ինչպես հայտնել է հանրապետության առողջապահության նախարարության մամուլի ծառայության բաժնի վարիչ Այգուլ Աբդուլինան, ողջ մնացած տուժածները տարահանվել են Բիրսկի շրջանային կենտրոնական հիվանդանոց:
Հրդեհը տեղի է ունեցել Մոսկվայի ժամանակով մոտավորապես 00:24-ին Բիրսկի շրջանում ձեղնահարկային տիպի գերանաշեն բնակելի տանը: Այն մարվել է 04:22-ին:
