Թուրքիայում հեղաշրջման փորձի մեջ մեղադրվողները միանման բանտային համազգեստ կկրեն
Թուրքիայում, 2016 թ. հուլիսի 15-ին տեղի ունեցած հեղաշրջման փորձից հետո ձերբակալված հազարավոր մեղադրյալների համար որոշում է կայացվել հատուկ բանտային համազգեստ կարել։
Թուրքական «Diken» պարբերականում տեղ գտած հրապարակման համաձայն, երկրի Արդարադատության նախարարության հանձնարարությամբ արդեն սկսվել են 50 հազար բանտային համազգեստների պատրաստման աշխատանքները։
Ըստ աղբյուրի, հեղաշրջման փորձի գործով դատվող մեղադրյալները այսուհետ կկրեն առջևից ճարմանդով նարնջագույն կոմբինիզոններ։
Նշենք, որ հեղաշրջման փորձի մեջ մեղադրվողներին միանման բանտային համազգեստ տրամադրելու գաղափարը ծնվել է այն բանից հետո, երբ նույն դատավարության շրջանակներումնախագահ Թայիփ Էրդողանի վրա մահափորձի գործով մեղադրյալներից մեկը դատարան էր ներկայացել «Hero» (թարգմ. հերոս) գրությամբ շապիկով։ Միջադեպից հետո նախագահը պահանջել էր այս գործով մեղադրյալներին միանման բանտային համազգեստ «հագցնել»։
