Լիբիայի առաջնորդ Հաֆթարը զգուշացրել է Իտալիային
Լիբիական ինքնահռչակ ազգային բանակի առաջնորդը սպառնացել է հետ մղել իտալական ցանկացած նավ, որն առանց թույլտվության կմոտենա Լիբիայի ջրերին: Այս մասին հայտնում է BBC-ն:
Խալիֆա Հաֆթարը լիբիական չորս քաղաքների ռազմածովային բազաներին հրամայել է արգելափակել իտալական նավերը:
Ավելի վաղ Իտալիայի խորհրդարանը հավանություն էր տվել ռազմածովային նավերի՝ Լիբիա ուղարկելու նախագծին, որպեսզի դադարեցնի Միջերկրական ծովով միգրանտների տեղափոխումը:
Լիբիայից վտանգավոր ուղևորություն իրականացնող միգրանտների հիմնական ուղղությունը հանդիսանում է հենց Իտալիան:
