«Հայաստանը փորձում է դրական միջավայր ստեղծել, որպեսզի ընկերությունները, տեղակայվելով Հայաստանում, աշխատեն Իրանի հետ». Գարեգին Մելքոնյան
ՀՀ Կառավարությունն այսօրվա նիստում հաստատեց Տնտեսական զարգացման և ներդրումների նախարարության կողմից ներկայացված՝ «Մեղրի ազատ տնտեսական գոտի» ՓԲԸ հիմնադրելու մասին որոշումը:
Սյունիքի մարզում Իրանի հետ հարակից տարածքում ազատ տնտեսական գոտու ստեղծման աշխատանքները սկսվել են այս տարի։
Տնտեսական զարգացման և ներդրումների փոխնախարար Գարեգին Մելքոնյանը լրագրողներին պարզաբանեց, որ նախ՝ պետք է ստեղծել ենթակառուցվածքները, հետո նոր՝ հրավիրել ներդրողներին։
«Ընդհանուր առմամբ սա պետք է դիտարկել տարածքային զարգացման կոնտեքստում։ Վերջին տարիներին Իրանի նկատմամբ սանկցիաներից հետո կա որոշակի հետաքրքրության ալիք միջազգային, արևմտյան երկրների կողմից դեպի Իրան՝ բիզնես իրականացնելու առումով։ Այս կոնտեքստում Հայաստանը փորձում է դրական միջավայր ստեղծել, որպեսզի ընկերությունները հետաքրքրված լինեն, տեղակայվելով Հայաստանում, աշխատեն Իրանի հետ»,- ասաց փոխնախարարը։
Մանրամասները՝ տեսանյութում
